Haksolok Mai Iha Website Ofisiál
ESCOLA SECUNDÁRIO TÉCNICO VOCACIONAL DE LIQUIÇÁ
Eskola Sekundária Téknika Vokasionál ESTV Likisa lokáliza iha Municipiu Likisa, Postu Administrativu Bazartete, Suku Maumeta no Aldeia Darumudapuu Historikamente Ensino Sekundário Tékniko Vokasionál Likisa hari’i husi kolonialismu Indonesio ho naran SMEA Likisa no depois de Timor Leste hetan ninia independensia eskola SMEA nakfilak ho naran ESTV likisa hodi instala no prosesa iha loron 01 fulan setembru 2007 too ohin loron ho ninia manorin 33 no Programa ou Departementu (4) hanesan, Komersiu, Kontabilidade, Alimentasaun Bebidas no Jestaun Informatika.
Diskursu Diretór Eskola
PAULO EDMUNDO DA SILVA
Ho grasa maromak nian ne’ebé hara’ik mai ita hodi halo prosesu instalasaun ba web site ESTV Sentral Liquiçá ninian ne’ebé la’o ho diak no laiha dezafiu no obstaklu hodi impede prosesu too remata. Website ne’e hala’o ho funsaun hanesan meiu komunikasaun no informasaun entre Eskola, Estudante, Inan Aman, Komunidade Edukativu hotu ne’ebé bele involve direita ba dezenvolvimentu eskola ninian.
Instalasaun Website ne’e mós nu’udar parte husi esforsu hotu atu aumenta kualidade servisu edukasaun nian liu husi Téknolijia Informasaun nian nomós plataforma dijitál ida ne’e hodi fo sai informasaun sira konaba programa akadêmiku, professor no liu liu Ministeriu Edukasaun ne’ebé iha hanoin diak ba instalasaun Website nee liu husi Sekretaria Estadu Komunikasaun Sosial (SEKOMS). Esperiensia ha’u nian mak bele sai meiu ida ne’ebé útil atu sustenta dezenvolvimentu edukasaun iha tempu agora no ba oin
Informasaun Atuál
Papél Estudante Iha Era Média Modernu
Jornál Parede Dijitál
Jornál Parede Dijitál nu’udár plataforma media komunikasaun ho formatu dijitál, programa ne’e inklui introdusaun jornalizmu báziku iha eskola sira, enkoraja prátika hakerek, lee no kriasaun konteúdu dijitál hosi estudante sira. Jornál Parede Dijitál bele utilizadu atu hato’o informasaun ka notisiás, anúnsiu, no konteúdu relasiona ho atividades eskola.
Testimonials
“eskola ne’e kapaas tebes no eskola ida ne’ebé produz ema atu sai ema no produz ema atu ba iha kampu serbisu, husu ba alin finalista sira karik husi ensino basíco hakarak buka eskola secundária keta haluha hakat liu mai iha Eskola Teknika Vokasionál Liquiça Villa, tamba ESTV produz ema atu sai ema no produz ema atu ba iha kampu servisu”.
João Victor de Brito Morais dos Santos
Alumni 2018
“ESTV ne’e kapaas tamba bele aprende buat barak liu-liu iha programa Profissional Barista nian tamba ida ne’e kapaas tebes wainhira hau hakarak kontinua karik, ulun la moras tanba hau aprende halo relatorio, ba alin balun karik hakarak mai eskola iha ne’e, keta haluha hili eskola ESTV Liquiça tamba husi eskola ida ne’e ita bele aprende buat barak, tamba iha teoria no mos iha práktika nomos iha programa balun halo ita aprende buat barak no ba oin karik ba universidade ita bele aprende halo ona relatorio”.
Nelia da Conceiçăo Gonçalves
Estudante
