RCLM Baucau (17/09/2025)—Edifisiu eskola sekundariu geral 02 Vila Nova Baucau kompostu husi sala tolu komdisaun aat, no sala ida kontinua utuliza ba prosesu aprendisagen maske kondisaun aat inklui edifisiu ba Profesores sira.
Diretor ESG 02 Vila Nova Baucau Marcelino de Jesus hateten, sala aprendisagen sira aat ona tamba konstrui husi tempu Indonesia nian to’o agora, hodi difikulta ba prosesu aprendisagem tamba tempu anin no udan ben sempre tama iha sala laran.
Relasiona ho kondisaun sala aula no edifisiu ba professores nian kondisaun aat, parte Eskola Halo ona pedidu ba iha diresaun Edukasaun hodi instala edifisiu ba professores nian.
“Hanensan diretur masimu iha eskola ida ne’e iha planu atu halo reabilitasaun uituan uituan, maibe tuir duni mata dalan konsensoens eskola nian, ami bele troka kalen, janela no odamatan ne’ebe aat maibe depende orsamentu ne’ebe mak iha, alende ida ne’e ami mos sempre hato’o informasaun sira ne’e ba Diresaun Edukasaun hodi hare ba preokupasaun ne’e”. Dehan Diretur Eskola 02 Vila nova Baucau Ba jornalista RCLM Baucau, 16/09/2025 iha nia knaar fatin.
Entertantu Estudante desimu Segundu ano Juvita Gaspar da Cruz hateten, sente triste, tamba kondisaun sala aprendisagen aat hodi difikulta ba prosesu aprendisagen wainhira iha tempu udan no anin, tamba ne’e husu ba Ministeriu Edukasaun atu tau atensaun.
“Hau sente triste teb-tebes tamba ho kondisaun eskola ne’ebe ladun la favoravel ba ami estudante sira wainhira iha tempu udan no anin, tamba ne’e husu ba Ministeriu Edukasaun atu tau atensaun”. Hateten estudante
Eskola Sekumdariu Geral 02 Vila Nova Baucau iha sala aprendisagem hamutuk 20 resin mak kondisaun diak hodi utuliza ba prosesu aprendisagem. Enkuantu Total Estudantes Hamutuk atus hitu tolu nolu resin tolu (733), no professores hamutuk hat nolu resin lima (45).
Ekipa Kobertura : RCLM
Leave a Reply