Eskola ne’e uluk tempu okupasaun Indonesiu ho naran SGO (eskola Guru Olahraga) Eskola ne’ebé prepara professor sira ba Ensinu Primaria (SD) nian. Hafoin taka tiha eskola SGO ne’e tamba politika Ministru Edukasaun Indonesiu nia muda ba fali Eskola Sekundariu Publiku 02 Baucau to,o tempu Referendum.
Hafoin referendum Escola Secundária Geral 02 Baucau hahu hala’o prosesu aprendizajen iha loron 26, fulan Novembro, tinan 1999 husi estudantes Universitariu sira ne’ebé involve aan iha organizasaun Konsellu Solidaridade Estudante Universitarius (Dewan Solidaritas Mahasiswa) no intelektual sira seluk iha tempu ne’e iha governasaun UNTAET nian.
Hafoin ukun-an iha tinan 2002 eskola ne’e hanaran fali Escola Secundária Geral 02 Vila Nova Baucau. Iha tempu governasaun V to,o VI Governo Konstitusionál to,o agora eskola ne’e hanaran ona Escola Secundária Geral 02 Vila Nova Baucau. Atividade aprendizajen kontinua hanesan baibain, ho programa Ciencia Teknologia (CT) no Ciencia Sociais Humanidades (CSH). Prosesu aprendizajen lao ho turnu ida deit ba estudantes husi 10o Ano to’o 12o Ano.